شوفو الشاب من يواعد حبيبته

من الشباب العراقين يتواعدون شيسون............... اولاً هو

متواعد يوم الخميس طبعا قبل يوم شيسوي يروح على صاحبة

ابو المارسيدس يتوسل بي الله يخليك اريد سيارتك

اني كايلها عندي سيارة مارسيدس بس هالنص ساعة وبس

هالمرة اخذهه وراها اكوللها بعتها ورة تواسيل طويلة صديقة يكولة

يلة بس نص ساعة وراها يركض ياخذ اهدومة للمكوى ويكولة

(غسل وكوي)وبعدين يروح على غير صديق يكولة عفية محتاج فد

(50)الف باجر العصر انطيكياها وهم بلكوة صديقة يدبرلة وراها

يركض للحلاق قبل منع التجوال اذا عزل الحلاق غير (يديح)يكوله

للحلاق اريد ازيان موطبيعي اريد اسويلي سكسوكة خرافية ورة

ساعة ونص من الحلاقة يرجع للبيت ويروح على الغرفة وطبعا

دك جكاير وينام على الوصاخة ومن الصبح يركض لبو المكوة ياخذ

الملابس ويرجع على صديقه ويلكاه طالع وينتضره ويكفر ويرجع
ليورة وراها يجي صديقة ياخذ السيارة ويمشي كدام صديقه على

كيف وهو يلوف بلفرع دوسها 120 بلوفة يوصل للبيت يغسل

السيارة غسلة مو طبيعية ويطلع كل الكاسيتات مال ياس خضر

وسعد الحلي يشمرها بلبيت وياخذ كاسيت هيثم يوسف حتى

اتكول عليه صاحبتة هذا اشكد رومانسي وركض للحمام يغسل

غسلة حتى الليفة تخلص وراها يبدل ويخلي انواع الريح مال

اختة ومال ابوه وراها يخلي نص كيلو (جل) ويسحب شعرة ويبدل

(الموبايل)مالتة ويه ابوه لانة مالتة طابوكةومال ابو(n73) ويطوك

التبريد مال السيارة ويروح وكل شوية بالطريق اتلزمة سيطرة مال

شرطة وهو يبوك هوة عبالة علاسة ومستمسكات السيارة مو

باسمة هي مال صاحبة ويتوسل بلشرطة وينطيهم 10الف ويروح

على هاي الرنة ليحد ماوصل يم بيت صاحبتة وجان يدك

الموبايل مالتة وهو يجاوب متنك كلش لانة يحس نفسة هوة

(طاك) وهناك اتكولة صاحبتة اليوم اجوي يمنة بيت عمتي ماكدر

اطلع خليها على باجر... وهوة يتوسل الله ايخليج ... ويفكر

اشلون السيارة افلوس منين ! ويرجع للبيت ضايج كاره الدنيا كلها

ويروح للغرفة يشعل حسام الرسام(لو رايد تنساني)ويدخن ويكفر

ويقفل الموبايل مالتة علمود متخابرة صاحبتة قابل اشلون يطلع

وياها باجر وهوة لاسيارة لاافلوس قابل يدكة مشي

ههههههههههههههههههههههه
يسلمووو عل الفكاهه الجميله

نورتي حب دوم هالضحكه

هههههههههههههههه

ياويل حالي أنا يعني هما هيك بيعملو

بيستاهلو وربي

خخخخ

يعتيك العافية حوبي على هيك أبتسامة رسمتيها على شفايفنا