منتديات اجمل جميلات الكون علم دردشة تعارف
السلام عليكم ورحمة الله وبركاته
====================
عزيزي : أنت مسجل كزائر .
إذا كان لديك حساب أضغط ... دخول
. وإذا أردت إنشاء حساب جديد أضغط ... تسجيل
فاهلا وسهلا بك ببيتك الثاني منتديات اجمل جميلات الكون
المدير العام
السيف البتار

منتديات اجمل جميلات الكون علم دردشة تعارف

منتدى علمي ثقافي ديني يهتم بامور المجتمع والانترنيت والكومبيوتر والطفل والامراة والطب والادب والشعر والفن وكافة امور الحياة
 
الرئيسيةالبوابةس .و .جالتسجيلدخول
<div style="background-color: #fffcfc;"><a href="http://www.rsspump.com/?web_widget/rss_ticker/news_widget" title="News Widget">News Widget</a></div>

شاطر | 
 

  يـُبَه أشْلوُنِكـْ ..!!

اذهب الى الأسفل 
كاتب الموضوعرسالة
احلى من العسل
نائبة سابقا
نائبة سابقا
avatar

الجنس : انثى
عدد المشاركات : 12414
تاريخ التسجيل : 12/12/2009

مُساهمةموضوع: يـُبَه أشْلوُنِكـْ ..!!   الأربعاء 10 نوفمبر 2010 - 10:18






يـُبَه أشْلوُنِكـْ ..!!



يبه شلونك...ملل هالــكــون من دونك ..

يبه شلونك ؟؟ وتمضي رحلة الدنيا..

بليا طلة عيونك..؟؟!!

يبه شلونك ؟؟ وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك


يبه شلونك ؟؟ تبي تدري عن اخباري ؟؟


عن افكاري وتذكاري ؟؟

اشيلك داخلي جمره ..وبعيون الحزن عبره..تغرقني .. وتحرقني..


اشوفك نجمة تجبر..مراعيها .. يراعيها..


واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!


يبه تذكر زمان مر؟؟

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر هدايا العيد ؟

صلاة العيد؟ وبشت العيد؟

يبه تذكر سوالفنا ؟

لاجل هذا ..

وكل هذا ..

اقول اليوم يايبــه ..

ملــــــــــــــل هالكون من دونك

يبه وينك ؟؟ .... ولهت لنظره من عينك ....

يبه وينك ؟؟



اشوفه طوّل غيابك !! ... و من ودّاك .... ما جابك !!

قالوا ما يدوم الزين !! ... و انا عندي امل للحين ..

و لكني اعرفك وين !!

يبه وينك ؟؟

عسى الداعي يبه بس خير ؟!!

عساك بخير .... مداين تكرم لعينك ...

بس ارجوك علمني ...

علمني .. يبه وينك ؟؟

سألت امي عن رجوعك ... ولا كني اعرفك وين !!

و قالت .. ما يدوم الزين !! ... و انا .. عندي امل للحين ..

في رجوعك !! .... يبه بس تكفى علمني ....

متى رجوعك ؟؟ .... يبه بس تكفى علمني .

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألت امي ...... غيابك طال ؟؟

ولا كنّي اعرفك وين !!

و قالت مثل ما قالت .. حسافه ...

ما يدوم الزين ... مع كل هذا صدقني .. انا عندي امل للحين !!




سؤالي عنك يالوالد .. صار كما الموال

و اشوفه طال ... والله طال ..

حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..

يبه ..

ارجوك علمني ...

تشوف اللي انا اشوفه ؟؟

انا اشوفك نهار و ليل ...

في وسط المجلس تصلي .. و تدعي الرب ييسر لي ..

يبه ..

ما عاد بي من حيل .. وين الحيل ؟؟

و انا اشوفك نهار و ليل .. مع اني ادري ما ترجع !!

غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!

يبه .... وينك ؟؟



و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..

و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!

يبه.. كل جرح في الدنيا .. مصيره بالدوا يلتم ... و لكن البلا من جرح ..

نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!

ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما

تـلتم ..

بس عندي امل للحين !! ... و لا كنّي اعرفك وين !!



يبه .. ذكراك تفرحني ....

في نفس الوقت تجرحني !! ... لا من جبت في طاريك ... دموعي غصب تفضحني ....


يبه ..


تذكر ليالي الصيف ؟؟

عرس الحي .. و رقص السيف ؟؟

و كرم قلبك معَ هـالناس .. كل ٍ كان في بيتك ضيف ..

يبه وينك ؟؟




تعال و شوف ...

كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟



تعال و شوف .. صحيح الدنيا ما ترحم ..

تجرعنا التعب انواع ... و لكن الأمل ما ضاع ..

و انا عندي امل للحين !! ... و لا كني اعرفك وين !!


يبه تذكر شطانـتـنا ؟؟

انا و اخواني و اخواتي ... معانا عيال حارتنا ..

نلعب في زوايا البيت .. يبه ... والله انا حنيت ..

لذاك الوقت في وجودك ... الا يا ريت ... الا يا ريت ...


ترجع .. يا يبه حنيت ..

حسافه الدنيا ما ترحم ...

خذت منا سعادتنا ... خذتك بعيد .. و خلتنا !!!


يبه امي تذّكرنا ... بأيامك قبل ما تروح ... تناديها.. يا روح الروح ..


في ذاك الوقت .. كنا صغار ...

معَ هذا ... كنا نغار ..

عليها .. او بعد منها ... كنا نغار

نحبك يا يبه ... ارجع .. مثل شمس الفجر .. اطلع

.. يبه ارجع !! ... اذا لي خاطر فـ قلبك ..

تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..



لكن قلّت الحيله ... و يمكن مـ البطا ضاعت ..

و قلنا يوم !!



يبه سامحني بترخّص ... قبل ينشف حبر الأقلام .. كلامي بعده ما خلّص ..

و لكن موعد الأحلام .. حان ..

ولازم اوفي له.. بعد ما ضاعت الحيله .. اشوفك والوعد باكر !!

اذا فكّر يجي باكر ..!! .. و برجع اسألك وينك !!



بس لازم تجاوبني .. ترى عندي امل للحين !! .. و لا كني اعرفك وين ..!!


يبه شلونك ؟



ملل هالكون من دونك

يبه شلونك ؟

وتمضي رحلة الدنيا ... بليا طلة عيونك

لاجل هذا ... وكل هذا ... اقول اليوم يابـيـي




ملل هالكون من دونك




.. لاحرمكم الله من ابائكم ..




.......





اتمنى

ان تذكروا والدي

بدعوه خالصه بظهر غيب

لاحرمكم الله غاليكم






الرجوع الى أعلى الصفحة اذهب الى الأسفل
وليد الاصيل
مؤسس المنتدى
مؤسس المنتدى
avatar


الجنس : ذكر
عدد المشاركات : 24579
العمل : موظف
تاريخ التسجيل : 04/02/2009

مُساهمةموضوع: رد: يـُبَه أشْلوُنِكـْ ..!!   الأربعاء 10 نوفمبر 2010 - 10:33

اللهم اجعل من كتبهذا الموضوع ان يثلج قلب والده

ويزيده من الحسنات

ويفتح له طاقة من طاقات باب الجنة

ويسكنه في الفردوس الاعلى

اللهم امين
الرجوع الى أعلى الصفحة اذهب الى الأسفل
http://sayfalbtar.yoo7.com
احلى من العسل
نائبة سابقا
نائبة سابقا
avatar

الجنس : انثى
عدد المشاركات : 12414
تاريخ التسجيل : 12/12/2009

مُساهمةموضوع: رد: يـُبَه أشْلوُنِكـْ ..!!   الأربعاء 10 نوفمبر 2010 - 10:37

والدعاء لوالدين من نقل ايضا
يسسسسسسسسسسلموا بتار
الرجوع الى أعلى الصفحة اذهب الى الأسفل
maha
مساعدة نائب المدير
مساعدة نائب المدير
avatar

الجنس : انثى
السمك عدد المشاركات : 4736
تاريخ الميلاد : 28/02/1990
العمر : 28
تاريخ التسجيل : 26/12/2009

مُساهمةموضوع: رد: يـُبَه أشْلوُنِكـْ ..!!   الإثنين 15 نوفمبر 2010 - 9:47

عسل
يسلموووو
الرجوع الى أعلى الصفحة اذهب الى الأسفل
احلى من العسل
نائبة سابقا
نائبة سابقا
avatar

الجنس : انثى
عدد المشاركات : 12414
تاريخ التسجيل : 12/12/2009

مُساهمةموضوع: رد: يـُبَه أشْلوُنِكـْ ..!!   الإثنين 15 نوفمبر 2010 - 16:25

مها
تشكري للمرور
الرجوع الى أعلى الصفحة اذهب الى الأسفل
تنهيدة السماء
عضو فعال
عضو فعال
avatar

الجنس : انثى
العذراء عدد المشاركات : 446
تاريخ الميلاد : 20/09/1980
العمر : 38
تاريخ التسجيل : 21/04/2010

مُساهمةموضوع: رد: يـُبَه أشْلوُنِكـْ ..!!   الأربعاء 17 نوفمبر 2010 - 17:27



اقتباس :

يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟


عزيزتي عسل

نقل رائع لشجون من فقد ابوه
الله يرحم والد القائل
ويرحم والد الناقل
ويرحم جميع اموات المسلمين

دمتي بود




الرجوع الى أعلى الصفحة اذهب الى الأسفل
احلى من العسل
نائبة سابقا
نائبة سابقا
avatar

الجنس : انثى
عدد المشاركات : 12414
تاريخ التسجيل : 12/12/2009

مُساهمةموضوع: رد: يـُبَه أشْلوُنِكـْ ..!!   الخميس 18 نوفمبر 2010 - 23:24

نهيدة السماء
شكرا لك على المرور والرد
ولك منى جزيل الامتنان والود
الرجوع الى أعلى الصفحة اذهب الى الأسفل
 
يـُبَه أشْلوُنِكـْ ..!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اجمل جميلات الكون علم دردشة تعارف :: المنتديات الادبيــة :: القسم الادبي والفلسفة العامة-
انتقل الى: