لذيذه وأحلى من المطاعم

[ يتوجب عليك التسجيل لمشاهدة الرابط ]
اما إنكم تجيبون خلطة كباب جاهزة من اللحام يكون فيها البصل والبقدونس والبهارات والملح
او أنكم تسوونها بالبيت وعشان تسوونها بالبيت ( انا سويت الخلطة بالبيت )
اللي يجب اللحمة الكباب جاهزة يزيد عليها بالبيت حبة بطماطم متوسطه مفرومة ناعم
( عشان ما تطلع اللحمة ناشفة لما تنشوى بالفرن )

@ ربع كيلو لحم مفروم ناعم جدا
@ 15 عرق بقدونس مفروم ناعم
@ بصلة متوسطة مفرومة ناعم جدا
@ طماطه متوسطة مفرومة مكعبات صغيرة جدا
@ ملح + بهار اسود + قليل جدا من البهارات
@ ملعقتين كبار زيت زيتون ( اختياري فلفل احمر بودرة للي يحب الحر شوي بس )
يعني تجيبي اللحم مفروم ناعم مره وتفرمي كل شي على حده
وتخلطينهم بعدين كلهم سوا بيدك زين تخلطينهم باليد
[ يتوجب عليك التسجيل لمشاهدة الرابط ]

الطريقة
تجيبي خبز لبناني سميك شوي مو الرقيق
[ يتوجب عليك التسجيل لمشاهدة الرابط ]
تجيبيه وتفتحيه من جهة واحده شوي وتمدي فيه شوية من اللحمة وترصيها داخل الخبزة زين
بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الإمام والخلف
بس لا تمليها زيت بس مسح بيدك على خفيف ( انظري للصورة )
[ يتوجب عليك التسجيل لمشاهدة الرابط ]

ثم تقسميها لأربع أقسام بعدين تلفي كل خبزه بالسيلفر ( القصدير )
وتحكمي عليها الإغلاق وتخلي اللفة المفتوحة من فوق عشان ما ينزل ماء اللحمة لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت
على حرارة 180 - 200 درجة
وبعد 20 دقيقة شيكي على وحده منهم إذا احمرت والا لا
إذا ما حمرت اتركيها بعد شوي ممكن تاخذ وقت 30 دقيقة
على حسب نوعية الفرن ونوعية الخبز او تشوينها بالفحم بعد ماتحطينها بالشبك
[ يتوجب عليك التسجيل لمشاهدة الرابط ]
بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس
وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون
واحكمي الإغلاق عليهم لمدة لا تقل عن خمس دقايق
عشان تطرى الخبزة شوي إذا كانت محمصة والطعم أحلى من إي مطعم واغلبي فيه المطاعم

يسلموو خيتي طريقة سهلة سوف اجربها ان شاء الله