قصيدة من احزان شاعر

قصيدة من احزان شاعر


عشنة من الزغر فقرة ومساــــكين
وعرفنة العوز لحظة ما وعيـــــــنة
فتحنة على المصايب شوف العيون
وعلى حجاية كظت ,هانت ربيــــنة
لكينة كماطنة هموم وعذابـــــــات
وبعد ما تدري لو تدري شلكيــــنة
لكينة دموعنا تهز الكواريـــــــــك
وسمعنة جروحنا يلولون علينــــة
عمر جعنة وعطشنة وضكنة الاهاات
وسنين ظكنة الوكت بس ما شكينة
حلم بالعيد نلعب عالمراجــــــــــيح
وخنَكنة الحلم بالسر وما حــــجينة
لان فقرة اهلنا ولو حجينة وياهـم
تتكطع اعذارهم وتطيح بيديـــــــنة
عرينة من الجديد بجية العـــــــيد
وابد من الخجل لا ما عريـــــــــنة
ردنة نمد ايدينة بساعة الـــــجوع
لكينا جفوفنا تكطــــــــــــــع بيدينة
رضينا بفي اهلنا نموت مــــــرات
ونعيش بفي الغرب لا ما رضيـنة