الخصوصيه بين الزوجين الى اي مدى ؟؟..

زائر

"السلاام عليكم ورحمة الله وبركااته "
سؤالي اليوم موجه للي محافظين على خصوصيه بينهم
موب للي فااالينها
يعني بعض الناس ماااشاااء الله
الله يبارك لهم
الرقم السري لايميل زوجها عندها والععضو
والسوالف عندها
وجوال زوجها عادي بيدها بدون اي اعتراض منه الا ممكن يرى انه من حقوقها
ما اتكلم عن هالاسر الله يتمم عليهم ويبارك لهم ويسخرهم لبعض يارب
اتكلم عن اللي حط بينه وبين زوجته خصوصيه وكل يوم تزيد
يعني بعضهم المكالمات مارنبد عليها عندها (مع انه يرد عند اي احد ثاني غيرها وعلى فكره مهيب من النوع اللي ناطل وجهه والا كاان كل يوم مشكله الا مخليته على راحته ومحافظه على خصوصيته
لكن تنقهر من تصرفه معاها كنها شفقه على هالمكالمه او ملقوفه !!<< يمكن لو انها ملقوفه حس انه من حقها !!)
او يكون برا البيت وتتصل زوجته
سلاا م عليكم
وعليكم السلام
اخبارك حبيبي
الحمدلله
انت بعيد ؟
ليه فيه شي ؟
ابد ابغى غرض مخلص الخبز والعيال بينامون
شوي وجاي
ولا يقول وينه
ولو رجعت سالت السؤال : وينك ؟
ليه تبغين شي ؟
يعني ما يعطيها خبر << احلى يارئيس الولايات المتحده
جواله لايمكن تمسكه وتطالع البلوتوثات الا ما تشوف البلوتوثات الا في الاجتماعات العائليه اذا فل السبحه حسبها مع الغير وخلاها تشوفه مثلهم
يعني هي مثلها مثل غيرها ماكأنها مشاركته حياته وبيته !!هذا اذا عطها واكتفى باعطاء غيرها وطنشها
بارادته او بدون شعور !!
وما كأنه البيت مقابل التلفزيون والا النت والمخلوقه الفضائيه اللي عايشه معاه تبغى احد يعبرها !
وما تطلع السوالف الا براا
على ان غيره يتمنى جلستها ومزحها

***
مايصدق تقوم من المكان الا ويفتح الملفات المخفيه عنده وما ادراك ما الملفات المخفيه
والمشكله انها عارفه وهو عارف انها عارفه لكن كذاا
ومسوي على كمبيوتره رقم سري وهي اصلا عمرها مافتحت كمبيوتره ولا حاولت
لانها لو بتطالع اللي عنده وهو موجود
وماعندها سياسة الخوف
مسوي فيها خصوصيه !!

*******

طبعا هالسوالف اللي فوووق استشفيتها ما كذااا مشكله في المنتدى
يعني ممكن من كذاا رجاال وممكن تتجمع في رجل واحد

ولاحظت بعد ان الزوجات هنا يحاولن يدخلون ازواجهم ويسولفون معاهم لعل وعسى لكن
عشاااه مكبوب دااائما عند الغير
وبعض الغير ما ودك اصلا يدري وش انت عليه لاعتبارات مختلفه

وعندها مسوي ابو الهول والا سي السيد
لكن دااائما افكر
الى اي مدى تكون الخصوصيه بين الزوجين ؟
وهل الخصوصيه الزااايده عن الحد << يعني اللي مالها دااعي تكون معناها عدم وجود موده او اهتمام ؟او ما يكون معتبرها شريكه حقيقيه له بالحيااة وهذا التصرف بشعور او بدون شعور يطلعه بهالطريقه ؟
وياليت تنتاقش بهالموضوع وكل وحده تكب عشااها