احلى بنوتة
عضو مجتهد
الجنس : 
 عدد المشاركات : 1153
تاريخ الميلاد : 03/05/1989
العمر : 35
تاريخ التسجيل : 22/05/2009
 |  موضوع: كروت طلاق  الأحد 5 يوليو 2009 - 6:51 | |
| | |
|
سمورة
عضو مجتهد
الجنس :
 عدد المشاركات : 988
تاريخ الميلاد : 05/04/1987
العمر : 37
تاريخ التسجيل : 27/05/2009
| | موضوع: رد: كروت طلاق الجمعة 21 أغسطس 2009 - 9:26 | |
| هههههههههههههههههههههههههههههههه عجبتنى جدا كوكى هههههههههههههههه لما اطلق بعملها بس جوزونى الاول ههههههههههههههههههههههههههههههههههههه  | |
|
????
زائر
| | موضوع: رد: كروت طلاق الجمعة 21 أغسطس 2009 - 9:41 | |
| تسلمي غاليتي
رووووووعة بس ياريتها مو لطلاق |
|
وليد الاصيل
مؤسس المنتدى
الجنس : 
عدد المشاركات : 24583
العمل : موظف
تاريخ التسجيل : 04/02/2009
| | موضوع: رد: كروت طلاق الجمعة 21 أغسطس 2009 - 12:40 | |
| - سمورة كتب:
- هههههههههههههههههههههههههههههههه عجبتنى جدا كوكى هههههههههههههههه لما اطلق بعملها بس جوزونى الاول ههههههههههههههههههههههههههههههههههههه
هههههههههههههههههههههههههههههههه عجبتنى جدا كوكى هههههههههههههههه لما اطلق بعملها بس جوزونى الاول هههههههههههههههههههههههههههههههه عجبتنى جدا كوكى هههههههههههههههه لما اطلق بعملها بس جوزونى الاول طبعا عفاف بالمشهد هي سمورة تفضلو احبابي شوفو الشطورة بدها تجوزههههههههههههههههههههههمع اقوى انتاج فنى درامى مسرحى فكاهى (اضحك معانا)
ومع اولى حلقات البرنامج
وموضوع الحلقه وكام حلقه بعديها (عريس من على النت)
كاميرا 1..................استعد
2............................صور
سباعى هات الشاى
اكشــــــــــــــــــن
تركت عفاف الكمبيوتر التي تقضى عليه معظم وقتها فجأة
وصرخت بصوت عالى
مااااما ..... يا ماماااااااااااااااا .....يا ماماااااااااااااااا
الأم : فيه إيه يابت بالراحة إخواتك نايمين
عفاف: معلش يا ماما أصلى فرحانة ....
فرحانة اوي اوي
الأم: خير يا بنتى فرحينى معاكى كدا ربنا يفرح قلبك
عفاف: عريس يا ماما عريس
الأم : يا ألف نهار أبيض يا ألف نهار مبروك
لولولولولولولولولولولولولولوى
وبعد دقيقتين أحضان وقبلات تذكرت الأم
الأم: ألا قوليلى يابت
عريس مين دة اللي هيتقدملك
وماقلتليش من ساعة ما جيتى من الجامعة ليه ؟
عفاف: لأنى لسة عارفة دلوقتى حالا يا ماما
الأم بإستغراب: عارفة دلوقتى حالا؟؟؟؟؟؟
عارفة منين يابت دة انتى لسة قايمة دلوقتي من قدام الكبورر....
عفاف : ههههههههههههه كبورر ايه بس يا ست الكل
اسمه كمبيوتر
الأم:مش مهم
المهم عرفتيه ازاى ؟ ومين أصلا العريس دة يعنى جاى منين؟
عفاف:من النت يا ماما
ظلت الأم المسكينة تنظر لابنتها باستغراب
وهى تراجع كل ما تعرفه من كلمات
ولم تجد لكلمة النت أثر بينها
فسألت عفاف..........
الأم: النت ؟ ودى تبقى فين دى يا بت؟
عفاف: فين ازاى يا ماما؟
الأم: يعنى فينها من الوايلى الى احنا فيها؟
تركبيلها مترو ولا اتوبيس ولا تأخديها تاكسى
اوعى يابت يكونوا بيروحولها بالقطر؟
عفاف : هههههههههههههههه ايه يا ماما الى انت بتقوليه دة؟
مترو إيه وقطر إيه؟! دة النت
الأم: أيوة يا بنتى عرفنا انه الزفت
بس دة موقعه فى انه بلد بالظبط ؟
عفاف:فى كل البلاد يا ماما
الأم باستغراب : انتى اتهبلتى يا بت؟
يعنى إيه فى كل البلاد؟
عفاف: يا ماما النت دة عبارة عن كمبيوترات كتير
في العالم وفيه معلومات كتير اوى
الأم:معلومات ايه يابت انتى
هو انتى هتتجوزى دارنبة المعارف؟؟؟؟؟؟
عفاف:المهم يا ماما ان فى واحد متقدملى عن طريق النت
الأم: ودة اتقدم ازاى يعنى؟؟؟؟؟
عفاف: بعتلى إيميل
الأم فى ذهول : ايميل؟
بعتلك إيميل جارنا المسيحى؟
وإزاى يا بت تقبلى تتكلمى مع الى اسمه إيميل ده
وهو مين عشان الزفت بتاعك ده يبعته لينا!!!!!
عفاف فى سرها طب افهمها ازاى دى بقــــــــــى ؟؟؟
عفاف:يا ماما اهدى إيميل جارنا مين بس ...!
الأم: مش انتى الى بتقولى يابت
عفاف:إيميل يعنى جواب بس على النت
الأم: برضه هتقوليلي عالزفت
يابنتى أنا مش فاهمة البتاع الى بتتكلمي عليه دة
عفاف:النت دة ياماما حاجة فى الكمبيوتر
ممكن نبعت فيها رسائل لناس برة
ونستقبل منهم رسائل برضه دة غير حاجات كتير
الأم:أنا ماليش فى الكلام دة
اللي انا عايزة أعرفه هو مين ومعاه شهادة ولا لأ ؟
واصله ايه وفصله ايه ؟؟
عفاف:هو اسمه حاتم
وطالب فى هندسة حاسبات و قاطعتها الأم
الأم : طالب؟؟؟؟؟؟؟؟؟؟
عفاف: أيوة ياماما بس فى آخر سنة
الأم : بصى أنا ماليش دعوة بالموضوع دا أنا هتصل بأبوكى وهو يتصرف
اتصلى بيه انتى عالموبايل وأنا أكلمه
زمانه عالقهوة
وفى قهوة المعلم حسنين
رن الموبايل بتاع عم حلاوة العنتبلى الجزار
cut
الشاي ياعم عبدو
نتستكمل الحلقه القاااادمه.... انتظرونااااااا
| |
|
وليد الاصيل
مؤسس المنتدى
الجنس :
عدد المشاركات : 24583
العمل : موظف
تاريخ التسجيل : 04/02/2009
| |
وليد الاصيل
مؤسس المنتدى
الجنس :
عدد المشاركات : 24583
العمل : موظف
تاريخ التسجيل : 04/02/2009
| | موضوع: رد: كروت طلاق الجمعة 21 أغسطس 2009 - 13:40 | |
| الحلقه التانبه من الموضوع بتاع الجواز من علي النت هنبدأ يلااا بقي :
كــــاميرا 1 .......................اجهز
كاميرا 2 ................استعد
كاميرا 3.......................صور
فيــن الشاى يا سباعى
أكشــــــن
حلاوة العنتبلى وبصوت خشن: أيوة مين ؟
الأم : أنا يا معلم
العنتبلى: عاوزة إيه يا ولية ؟؟؟؟؟
الأم: تعالى يا خويا شوف بنتك جايلها عريس من النت
العنتبلى: بتقولى منين ؟؟؟؟؟؟
الأم: من النت يا حاج
العنتبلى: يعنى إيه ؟ فهمينى
الأم: ياخويا لما أفهم أنا ابقى أفهمك
تعالى انت واسألها بنفسك
العنتبلى: ماشى ... هخلص دور الطاولة دة وهاجى على طول
ثم أغلق الموبايل وأخذ يكلم نفسه
نت....!!!! دة يطلع ايه دة كمان؟؟؟؟
تكونشى الولية مراتى اتهبلت ؟؟؟؟؟
بس هى ناقصة هبل ؟ ماهيا كدا كدا مهبولة من يومها
سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟
فانتبه المعلم حلاوة وقال لعنتبلى: قولى يا زينهم
بما إنك كدا متعلم ومتنور ومعاك تالتة ابتدائى
يطلع إيه النت دة؟؟؟؟؟
طبعا المعلم زينهم اترسم بقى وأخذ وضع فخر وعزة وهو يجيب
وإنت ايه اللي عرفك بالأشكال دى يا معلم ؟؟؟؟
العنتبلى: اهو عرفت وخلاص بقى
زينهم: والله يا معلم حلاوة
أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق
العنتبلى: ااااااااااااه
يعنى زى تليفزيون كدة يعنى
زينهم: لا يا معلم مش زى التليفزيون
وإنما تقدر تقول عليه جرايد بس بتتشاف على الكمبيوتر
العنتبلى: يا دين النبى
معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟
زينهم وقال عامل فيها فكيك بقى :
مش فى فتحات ورا فى الشاشة يا معلم
أكيد بيدخلوا الجرنال منها
العنتبلى:أكيد الناس دى فاضية وموراهاش أى حاجة تعملها
زينهم: هو كدة بالضبط يا معلم
بس ليه دة كله؟
العنتبلى: أصل الولية مراتى بتقولى بنتك جايلها عريس من النت
زينهم: ألف مبروك يا معلم
أكيد تقصد ان متقدملها صحفى!!!!!!!!!
العنتبلى وهو مبسوط: بجد ياد يا زينهم؟
زينهمماهو زى ما قلتلك النت عبارة عن جرايد عالكمبيوتر
يبقى قصدها ان واحد جرنالجى اتقدملها
مبروووك يا معلم
كدة ممكن تعمل دعاية للمحل بتاعك فى الجرنال
وتطلع صورك انت والعجل فى صفحة الحوادث
العنتبلى: طب العب يا وش السعد العب
رمى زينهم الزهر ثم صرخ .......دش
راحت عليك يا معلم
cut
انتهت حلقتنا النهارده
ياترى ايه اللى هيحصل بعد كده
اما العنتبلي يروح البيت والحوار اللي هيدور بقي في البيت جاااااااامد جدااااا
انتظروناااااااااااا فى الحلقه القادمه
:كنج:
| |
|
وليد الاصيل
مؤسس المنتدى
الجنس :
عدد المشاركات : 24583
العمل : موظف
تاريخ التسجيل : 04/02/2009
| | موضوع: رد: كروت طلاق الجمعة 21 أغسطس 2009 - 13:45 | |
| الحلقة التالتة من موضوع العريس بتاع النت دا ؟ اخر زمن اهاهاها
الحلقه التالته
كــــاميرا 1 .......................اجهز
كاميرا 2 ................استعد
كاميرا 3.......................صور
الشاى يا سباعى
اكشــــــــــــــن
عفاف: يا ماما والنبي افهينى بقي عشان خاطرى
العريس دة لقطة ومفيش زيه فى النت
أنا حبيته من كتاباته
الأم: كتاباته ؟؟؟؟ هو مؤلف؟؟؟؟
عفاف: مش مؤلف قوى يعنى بس بيكتب عالنت
الأم: ودة بيكتب فى ايه بالضبط؟
عفاف: لالالالالالالالا يا ماما
دا ما شاء الله عليه ماخلاش حاجة إلا لما كتب عنها
الأم بخبث :ااااااااااااااااااااااه
مين يشهد للعروسة؟؟؟؟
عفاف: لا والله ياماما بكلمك جد
الأم بصوت عالى : اسمعى يا بت انتى أنا لا أعرف نت ولا كتابات
أبوكى زمانه جاى دلوقتي هوبقي يتصرف معاكى
عفاف وفي سرها : ماهيا دى المصيبة
دخل المعلم حلاوة العنتبلى فى هذه اللحظة مبتهجا
العنتبلى: مساء الخير
الأم: يسعد مساك يا خويا
تعالى بقى شفلك حل فى بنتك دى
العنتبلى: خير يا بنتى؟
عفاف:أبدا يا بابا
مش انتوا عاوزينى اتجوز
اهو جالى عريس ومع كدة ماما مش عاجبهااااااااااااا
العنتبلى: أكيد مش عاجبها عشان جاهلة
سيبك منها وقوليلى إيه الحكاية؟
عفاف: فى واحد طلب ايدى عن طريق النت
وقالى انه جاد فى طلبه ومستعد يجيي فى أى وقت
العنتبلى: عال عال
وإيه كمان؟؟؟؟
عفاف: يعنى انت مش معارض يا بابا؟
العنتبلى: واعارض ليه يا بنتى
عفاف : طب ارد اقوله ايه
العنتبلى وبصوت خشن:تردي علي مين
عفاف :على حاتم ياباباااااااااااااااااااااا
العنتبلى وبصوت خشن:حااااااااتم ميييييين؟
عفاف: العريس يا بابا
العنتبلى:اااااااااااااااه مش تقوليلى كدة من الصبح
قوليلى الأول هو بيكتب فى أنه صفحة؟؟؟؟
عفاف: يااااااااااااااااه يابابا
دة بيكتب فى صفحات كتيرة اوي اوي
العنتبلى: عظيم
وياترى بقى هو مشهور كدا يعنى الناس تعرفه؟
عفاف: أكيد يا بابا دة معروف جدا فى المنتديات
العنتبلى: فين ياختى؟؟؟؟؟
عفاف: فى المنتديات يا بابا
العنتبلى: ودى تطلع إيه دى كمان ؟؟؟
عفاف:دى صفحات عالنت يا بابا بتجمع أعضاء كتير اوووي
وبيتكلموا فى مواضيع كتير
العنتبلى: يابت سيبك من النحوى دة وكلمينى كلام افهمه
عفاف في سرها:بقى دة نحوى ياعالم
عفاف: حاضر يا بابا
المنتديات دى زى
زى ايه قعدة المصطبة كدة
كل مجموعة واخدلها ركن وعمالين يتكلموا فى حاجة معينة
وبيبقى لها شروط وقوانين معينة وكدة يعنى
العنتبلى: ااااااااااااااااااااه فهمت
يعنى زى سوق العجول كدة
عفاف وقد فاض بها:
عجول ايه بس يابا ؟بقى المنتدى زى سوق العجول؟!
العنتبلى: جرا ابه يابت انتي
مش عاجباكى العجول يا بنت عواطف؟؟؟؟
مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟
عفاف: طيب خلاص يا بابا ...
المهم انه مشهور .. مشهور اوووي
العنتبلى:طيب نيجى للمهم بقىىىىىى
هو عرفك منين؟؟؟؟
شعرت عفاف بالرعب من السؤال فأجابك بسرعة
عفاف: لا يا بابا اوعى تفهمنى غلط
والله ما شافنى ولا مرة حتى فى أى حتة
العنتبلى: ماطبعا يا بنتى لأنه لو كان شافك مكانشى اتقدم أصلا
عفاف: وبعدين معاك بقى يا بابا............. هو أنا وحشة اوي كدا ؟؟؟؟
العنتبلى مبتسما إبتسامة صفراء: يابت بضحك معاكى
انتى زى القمر بس عيبك الوحيد انك شبه أمك
الأم: جرالك ايه يا راجل إنت ما تتعدل فى الكلام أحسنلك
العنتبلى: احم احم
كنا بنقول إيه يا عفاف؟؟؟؟
عفاف: كنت بتسألنى هو عرفنى منين؟؟؟؟
عموما هو عرفنى من النت
واتقدملى عن طريق النت
وإن شاء الله لو وافقتم هييجى يتقدملى على طول
العنتبلى:وماله يا بنتى خليه ييجى
عرفك من النت عرفك من السلخانة
مش فارقة المهم انه وقع على بوذه
عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!
العنتبلى: قوليله ييجى يوم الجمعة بعد العصر
عفاف مسرورة: حاضر يا بابا هقوله حالا
ودخلت مسرعة إلى حجرتها فاستعجب المعلم حلاوة العنتبلى وسألها العنتبلى: هتعملى إيه يا بت؟؟؟؟
عفاف: هقوله يا بابا
العنتبلى: انتى يا بت أخذتى التليفون عندك؟؟؟؟
عفاف: لا يا بابا أبدااااااااا
العنتبلى: امال هتقوليله إزاى من عندك؟
عفاف: هبعتله إيميل
صرخ الأب فجأة بصوت مزعج وعالى....................
وإيه الى جاب الواد إيميل عندك فى الأوضة؟؟؟؟
عفاف: يا بابا اهدى إيميل مين بس دة الى عندى
أنا أقصد هبعتله جواب عالنت
تذكر العنتبلى حواره مع زينهم والورق الذى يدخل من خلف الشاشة فقال
ااااااااااااه
أنا بحسب المهم بلغيه بالميعاد
وقبل أن يغادر إلتفت إليها قائلا:بقولك إيه يا عفاف
بعد ما تكتبى الجواب حطيه بالراحة عشان الشاشة ما تنفجرشى
تابعته عفاف بنظرات الدهشة والحيرة وهى تقول فى نفسها
احط إيه وشاشة إيه دى الى هتنفجر؟؟؟؟؟؟؟
وفى اليوم المحدد أتى العريس أنيقا مهتما بنفسه
بشكل ملحوظ وذو رائحة طيبة وفى أبهى صورة
واستبشر الجميع خيرا إلا أنه كما تعلمون هناك سوء تفاهم رهيب
فالأم تعرف أنه طالب فى كلية محترمة والأب يظنه صحفى مشهور
وعفاف مرعوبة من طريقة تعامل الوالدين مع العريس خاصة والدها
كما أن المفاجأة غير المتوقعة أن العريس جاء بمفرده
ياترى ايه اللي هيحصل ؟؟؟؟؟؟؟؟؟؟
cut
[size=21]انتظرونااااااا فى الحلقه القادم | |
|
احلى من العسل
نائبة سابقا
الجنس :
عدد المشاركات : 12414
تاريخ التسجيل : 12/12/2009
| | موضوع: رد: كروت طلاق الثلاثاء 9 نوفمبر 2010 - 19:22 | |
| تقبل مروري بمتصفحك
دمت بود | |
|
[/size]
