احذروا من مثل هاذه الاتصالات.... اللهم بلغت اللهم فاشهد

كنت جالسا في امان الله واذا برقم غريب يتصل على جوالي قمت بالرد عليه واذا به صوت امرأه .....
بصراحه الصوت جميل وصاحبته تتميلح بزياده ....وهذا نص المكالمه
الو
نعم
كيفك
الحمد لله
كيف الاهل
الحمد لله .....(( طبعا تكلمني وكأنها تعرفني من زمان ))
والله ترددت اني اكلمك بس ضروف الزمن اجبرتني على كذا ....
ليه خير ان شاء الله
انا امرأه مطلقه وعايشه مع امي في شقه بالايجار ونحن فقراء
ولانجد ماندفعه به الايجار حتى الكهرب لنا 6 شهور ماسددنا (( طبعا هنا نبرة الصوت تغيرت 180 درجه صار حزين ))
طيب وين الجمعيات الخيريه ... الضمان الاجتماعي ...معقوله مايعطونكم شي
امي يجيها من الضمان شهريا 800 ريال والجمعيات الخيريه تجينا منهم في السنه حسنه كيس رز ومعاه اغراض بسيطه
طيب والمطلوب الحين
نبي منك المساعده بالي تقدر عليه
طيب كيف اساعدكم
ابعطيك رقم الحساب وحط فيه بالي تقدر عليه (( الحساب في الراجحي ))
ابشري ان شاء الله
الله يوفقك ويخليك ان شاء الله (( رجعت لنبرة الصوت الاول تميلح مع ضحكات بسيطه ))
مع السلامه
مع السلامه (( ماودها تقطع المكالمه تبي تطول السالفه بس شافتني جاف معاها وقفلت ))

المهم رحت ابحول لها فلوس بحسن نيه .....

وجاتني فكره استفسر عن حسابها عن طريق واحد من الشباب شغال في البنك حتى اتأكد

عطيته السالفه وقلت شف الحساب وعطني خبر

شيك صاحبنا على الحساب وهنا المفاجأه الكبيره

اولا .. صاحبة الحساب في المدينة المنورة ....

ثانيا .. ايداع شبه يومي من افراد وحسابات مختلفه بمبالغ تتراوح من مائتين ريال الى خمسة الاف ريال في التحويل الواحد

يعني يمكن دخل شهري يتجاوز المائة الف ريال .....!!!!!

فصعقت من هول ماسمعت ..... وحمدت الله انني لم احول لها ....

ولكن حزنت على اخواننا الذين قد يقعون في هذا الفخ مع هذه الحراميه والتي تستدرجهم بالصوت الحلو مره ومره بالصوت الحزين

وحبيت انبه اخواننا من هؤلاء النصابين والذين يعبثون في بلادنا بلا رقيب ولا حسيب ..........

.
.
.
.
.

هذه القصة حقيقة وحصلت لزميلي وأنا معه وحبيت ابلغكم واحذركم لانكم عزيزين على قلبي

.
.
.
وتقبلو تحياتي

يسلمو يا ورده ع الموضوع
تحياتي وتقديري