ابوذيات غايه في الروعه

المصايب بس علي ياناس ينحت
وكبيري من السكم والنوح ينحت
الوكت كل يوم الي تمثال ينحت
صرت مشبووه لهل الناصريه

وحق الي تعبده الناس وحده
حبك سلب مني الروح وحده
هذني اثنين وانت اختار وحده
ترحل لو تضل صاحب اليه

جرح البيه كافيني وزايد
وتضل للموت احبنكم وزايد
بمزاد الحب اريد اكعد وزايد
واكل للناس حبك بس اليه

بمشيتك مااظن يمشي ملازم
وحسنك منكتب عنه ملازم
حبيبي لا تحط الاحمر مالازم
لان شفتك والورد صارن سوويه

باقي اعلى الحزن عايش لساني
شكلك كلمه ماينطق لساني
لشيعي اليوم اصيرلهم ولنسي
عراقي اني وعراقيتي الهويه

مو مرضع ذهب مرضعك من در
حقد شايل بكيانك ليش من در
تذكر مره بيه الزمن من دار
لا تضحك كلتلك روحي حيه

بنبي الانجيل اريد احلف وربه
كبيري من الحزن مكلف وربه
باك اسنيني بجفوفه وربه
بهاي الروح ناقص صار اليه

بماي الذهب بجفوفي خلقتك
عجب بس يمي شو تكبير خلقتك
ربك من خلق شخصك تره خلق تك
وخلق تكي وجمعنه بلا قضيه

سكاني الوكت من فركتك بس مر
وشهد ماشفت من دنياي بس مر
ورمش عيني افرشه فراش بس مر
تردلي الروح من تسأل عليه.
****************************
اضل طول العمر امشي وره مشاك
واذا احب عينك واحب فنك ورمشاك
تكطع مراسيلك ورمشاك
اسويها معارك طائفية
*****************************
يهل ناديت بأسمي هواي عيده
ويهل ماخذ دليلي وياك عيده
القلب مو بس بعد رمضان عيده
عندي العيد من نكعد سويه
*****************************
مرة انشد عليك مرة سايل
مرة الدمع ناشف مرة سايل
حرت شكتب شدزلك من رسايل
عزيز انت ظل غالي عليه
*****************************
خناجر لاتحد بيه ولا سيف
غلطه مابدت مني ولاسيف
اصير حزام تي ان تي وناسف
وافجر ديالى اذا تزعل عليه
******************************
لغيرك مانبض قلبي ولادك
ثكيل وياك ميزاني ولادك
الكم بعد ماارمش ولادك
اريد وجوه تتكابل سويه