يلوم المادره بروحي شمرها
مايدري الدهر عن ودهم شمرها
ليالي افراكَهم والله شمرها
أمر من المنازع بالمنيه
احبك ما أحب عل الأرض سواك
سبحان الذي من طــين سواك
بشر لكنه ويال الكَـمر سواك
واحد فوق واحد بـين ايديه
اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه
جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه
انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه
اوفٍ من زماني اه منه
على اللي عشرتي وياه منه
اكَله الدرب هذا يكول منه
اكله فوت بيه يرد عليه
عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه
موضوع: كلام من ذهب 
الثلاثاء 26 يناير 2010 - 12:43
