تحياتي لمن دمر حياتي‏

وصلت الى احد المواقع رسالة من شاب/شابة تطلب ارشاد ونصيحة زوار موقع الكرام. موقع "منتديات السيف البتار" يؤكد انه وحفاظا على النزاهة والمصداقية الصحفية ينشر الرسالة تماما كما وصلت من دون زيادة او نقصان، وبدون تعديلات لغوية او تصحيح اخطاء املائية..

صور تعبيرية

مرحبا لاحلى موقع عندي قصه حابب اخذ رأي الزوار فيها انا كانت عندي صديقه كتيير كنت اعزها ودرسنا مع بعض لحد الثانويه ودخلنا نفس التخصص بالجامعه لحتى ما نبعد عن بعض بس الي حصل انه هاي البنت اتغيرت كليا وصارت تحكي مع شباب كتيير وانا كتيير نصحتها انه لا عاداتنا ولا تقاليدنا ولا حتى تربيتنا بتسمح بهاي الحركات بس هي ما اقتنعت فما كان مني الا اني تركتها وقطعت علاقتي فيها و مع العلم هي من بلدي ومرت فتره والخبر وصل لاهلها وهون اتهمتي اني انا الي وصلت الخبر وانا مستحيل اعمل هيك لان مو اسلوبي و بالاخر ابوها فصلها من الجامعه وجوزها ابن عمها مع انها كانت تحب واحد هي بتلومني لان فكرها انا الي احكيت بس والله ما بعرف عن الموضوع هاد الا لما اجيت واحكتلي وانا حابب اخذ راي الزوار الكرام لو انتو مكاني ايش بتعملو والله حاسس انها مخليتني احس بالذنب لاني فرقت حبيبين عن بعض بس انا ما الي ذنب هي بتعرفني 12سنه من المدرسه فلازم تعرف انا كيف ولى شو رايكم مع العلم الي في الجامعه في كتيير منهم من بلدي بس هي مو مقتنعه انه ما الي دخل بكل الي صار وداخليا ادمرت لانها كتيير كانت عزيزه علي وخسرنا بعض في الاخر (من السهل ان تضحي ولكن من الصعب ان تجد من يستحق تلك التضحيه)بانتظار ردودكم