قالت: بدمع العين بشكيلك
وبعتذر عن الجراح
أمري خرج عن طوعي
وعلى بعادك أهلي جبروني
إعتبرني ماضي وراح
لا تحسب سكوني ضعف
أنا عاصفة بعد السكون
ومهما دمعك ينذرف
على قلبي والله تهون
وجه الغدر با ينكشف
ويزول وجهك الجنون
بعتني لجل التـــــــرف
ويشهدوا إلّي يشهدون
قالت: وربي بيوم ما بعتك
لكن عندي أسبابي
على حبك أنا بايعتك
لكن حكم القدر على حسابي
لا ترتجي مني عطف
كيف أعطي من لا يصـــــون
تظن نفسك محترف
تبكّي قلبي والعيــــــون
إعتذارك وين ينصرف
أنت تعرف بس تخـــــــون
قالت: كيف أهون أنا عليك
وقلبي وعقلي يبوك
لكن زماني والمكان
يحسدوني ويحسدوك
لا ترمي لومك عالزمان
إلّي صار من إيديك
ولا تتعذر بالمكان
قلبي ما عاد يبيك
قالت: كنت أظن مستحيل
غيري بيوم تلقى بديل
للأسف خاب ظني
وكلامك هو أكبر دليل
تركتيني بين ناري وتفكيري
وما ثمر فيك حبي وتقديري
وآخر المطاف توافق على غيري
وما تريد ألقى البديل
قالت: روح وإبعد عن حياتي
حسبتك تقدر ظروفي
لقيتك تتمنى مماتي
إيش أقول يا حروفي ؟؟؟
بدا عمري يا غالي
من يوم شافتك عيني
وأنا قبلك وقبل شوفك
روحي ما كان ليها وجود
ما أنسى أبد لحظة
جمعت بينك وبيني
مرت على قلب مشتاق
تمنى فيها الزمان يعود
موضوع: روح قلبي ما عاد يبيك 
الخميس 6 مايو 2010 - 10:54
