كعبه امي

كعبة امي
قصيده للشاعر صهيب الحبش ابن الموصل

كبل جنة صغار يم امي نبات
وسفة ذيج ايام صارت سالفة
جنت احس بالبرد لاكن من
تكول
ها وليدي الدنيا تتحول دفة
ومرة اذكر خفت ما جاني نوم
ودرت بية
النوم من عيني اختفة
مدت ايديها علية ابكل حنان
وشفت حتى اغطاي بيديها غفة

جانت امي امن اطلع تغمض العيون
وما تفتحها الى ارجع حالفة
ومرة جيت وشفت
امي بلاية عين
عيونها اعلة الباب تنطر واكفة
ومرة سافرت اني عنهة تأخريت

وقلب امي امن مدامع تذرفة
ومن رجعت البيتنة حسو اجيت
صاحو الجيران يمة
ابنج لفة
امي مدري شلون وصلت من اجيت
تركض امي العندي جت متلهفة
وفتحت
الحايط بديها تحسبا باب
من فرحها الباب هم ما تعرفة
امي عانت حيل بيام
الحصار
وشافت ال مامثلي احد شايفة
ومرة جعنة وصادفت دنيانة عوز
وامي من
الحيرة ضلت واكفة
ماكو شي بالبيت وتعشي الجهال
نزلت ماعون تبجي
وراجفة
فارغ الماعون بس شمعنة بيه
ثاري للماعون صبت عاطفة
وكلتنة اني
وأخوتي واكلة فاض
جان فارغ لاكن وحيدر كفة
وجنت طالب مدرسة وماكو قميص

والجهال بعيشة كلش مترفة
ولمن امي ما لكت قطعة قطاش
جرت امي الجلد قصت
طارفة
عيون امي تشابه جرح العراق
ودموعا ابكد الدماء النازفة
امي بير من
التعاطف والحنان
وامي كصتها الخجل تدمع عفة
ومن اصخن ما جنت اوصل طبيب

اية الكرسي بشفايفها شفة
كعبة امي وكلنة للكعبة حجيج
وحول امي الناس
تفتر طايفة
ومن درت بالدنيا بتخلف الوفاء
امي حبلت خاطر تخلف وفة