ادخلوووووا في بحر الابو ذية

اتريد احزان فك الكبير ... بي كم
ولا واحد سألني الجيب ... بي كم
مو شايل كبير اتكول ... بيكم
اذا كل ساعه عشره ايحب سويه



شكد سامع قصص بالحب ... وقاري
غرامج ثبت براسي ... وقاري
مله اصبحت بفراكج ... وقاري
ادك والطم هواج شعمل بيه



لحبك علكت رايات ... واعلام
ولا ظلت صحافه الدرت ... واعلام
لعلمك انه احبك حيل ... واعلم
يظل بدمي حبك للمنيه




يل بهمك ملابس ... لابستني
وثوب الحزن بيدك ... لبستني
رحت لا صالحتني ... لا بستني
ولا كتلي جذب حقك عليه


غيم اغيم وامطر وانخبط ... واصفه
على الي راح مني وتاه ... وصفه
حبيبي وجان الي بلواي ... وصفه
اشك الجفن لـــو مـــر طيفه بيه



بصفكات وهلاهل ... ودعاني
وهو الكتل حبنه ... واد عاني
ودي ابجي وانوح ... ودي اعاني
وده ما يمر الفرح فديــــوم بيه


ترف يل صورك ربك ...من العين
اخاف عليك من تمشي ... من العين
انه معذور يمدلل ... من العن
ابوك ال خلفك للناس اذيه



بعدك كمت اسوي النوح ... ويبات
ولا اخلي دليلي ايهيم ... ويبات
الحزن وياي طول اليوم ... ويبات
على فراشي ويسولفله عليه



شنو صوتك عزف على العود ... لو ناي
وكلبك مثل كبيري احترك ... لو ناي
اهيم وانخطف من تمر ... لو ني
وتدير الوان طيف الشمس بيه


احد سجين صبري وجن ... ولا حد
التفت وما شفت ربعي ... ولا حد
كم سبت الي يمر بيه ... والاحد
اجي بس شوفتك تصعب عليه


هجرك ياولف صارنب ... بلا حد
مثل سيف اليكص ركب ... بلاحد
رحت واني انتظر ترجع ... بالأحد
اجه الاحد ويمته اتعود اليه



احبك لو على ايدك صار ... كتلي
ومنك ما اريد فصل ... كتلي
ولون اهلي اندعو ابفلوس ... كتلي
افز من الكبر وامشي على اديه



احبابي عيوني راحت ... من اجلكم
واجل الدنيا كلهه ... من اجلكم
يا هو الي حرفكم ... منهو جلكم
وكطع حبل الوصل منكم عليه



اريد امشي نهار الصيف ... واسعه
على ام حلك الصغير وعين ... واسعه
يحفار الكبر بله اعليك ... وسعه
بلكي اتصير موتتنه سويه



حبيبي النار شبت ... مني كبره
واذا من روحي ابره ... منك ابره
تعال الخيط مني ... منك ابره
نخيط اجروحنه ونلتم سويه



اريد الزم اخديدك ... واشتمنك
واريد العن ابيك ... واشتمنك
تدري اشراد كبيري ... واشتمنه
على صدرك اموت وهاي هيه