((طرق وأساليب كذب البنات على الشباب الله يرحم حالكم)) دايم مظلومين يالشباب

هذي بعض من كذب البنات على بعض الشباب الطيبين اللي على نياتهم بسم الله عليهم

اول ما تتعرف عليها

1/ إسمي أروى ..... اهب يالنصب تلقى اسمها حصه والا عفرا...

2/ رقمي كان مميز بس وش اسوي ضاع وطلعت غيره ....قصدك الفاتوره جايه بآلاف من كثر ما تكلمين اللي قبلي
3/ تصدق انت اول واحد بحياتي .... اجل الفاتوره اللي قبل كانت مع من؟؟!!!
4/ انا تراني محافظه وماني حقت هالسوالف .. وانت معطيها الرقم وهي لابسه مخصر وتغمز لك بعد هههههه
5/ على فكره ترى ما اقدر اطلع معك.... تبيك تغريها بهديه

6/ تليفونها مشغول نص الليل هذي صديقتي صارنبه لها سالفه وقاعده تسألني... قاعده تكلم اللي قبلك...

7/ تلفونها مشغول بعد ثلاث ايام هذي صديقتي مسكينه متضايقه وتسولف علي... قاعده تتهرب من اللي قبلك "ما ندري متى دورك"
8/ بعد اسبوع تليفونها ما صار ينشغل نص الليل ايه ما قلت لك صديقتي هذيك اللي كنت اكلمها سافرت برا تدرس ... ابشرك تخلصت من اللي قبلك والحين هي معك

9/ حبيبي وش كثر تحبني ......... حاطه على السبيكر وتسمع اللي حولها .. يعني مآخذينك وناسه

في نص العلاقة

10/ معليش حبيي ما اقدر اكلمك الليله عندنا ضيوف ... تصريفه جيده... وهم حتى القطوه تجوع في بيتهم هههههههه
11/ (تتثاوبت) حبيبي انا بنام الحين والله تعبانه ............. تبي تشغل شريحتها الثانيه

12/ يالله يالله امي جت ..... هي المتصله

13/ فاتورتي طلعت واخاف احد يشوف رقمك .... يعني حس انت اللي بتكلم من اليوم ورايح

14/ صدقني احبك يا سلطان... قصدي محمد ....سلطان هذا خالي كان عندنا اليوم .... القديم كلمها اليوم وتهاوشت معه ورفع ضغطها...
15/ عندنا بارتي مع البنات في شاليه الله يخليك لا تجي عشان ما يشوفونك اغار عليك ... قصدها البنت تبي تاخذ راحتها وتسولف مع الناس وتلبس اللي تبي وإنت ماراح تطير...
16/ ما تدخل الماسنجر كثير-- والله ابد النت صارنب ممل ..... فتحت ايميل جديد ولا تبي تعلمك عنه...

17/ اسفه والله بس انا ما عندي صور لنفسي ... خايفه تفضحها وتضمن للمستقبل

18/ لازم انزل اساعد امي في المطبخ... وش هالوحي اللي نزل عليك تساعدين امك.. المكالمه طولت... وزهقت
19/ حطيت جوالي على الصامت وصليت ونسيت اشغل الرنه ونمت ......... شفات رقمك وقالت لاحوووول هذا وقته

على نهاية العلاقة بعد شهرين تقريبا

20/ الحين وش نهاية علاقتنا؟؟ بدت تمل منك وتبي تصرفك

21/ ترى انا مو بنت شوارع ......بدت تخرب الاخلاق والمعامله بعد

22/ انا حسبتك تبي تتزوجني ...... إنسى إنها ترجع لك

23/ تلفونها بدى ينشغل نص الليل هذي صديقتي اللي كانت تسولف لي اول ما عرفتك رجعت من برا وتوني كنت اسولف معها... تعرفت على غيرك وقاعده تجربه.. "مثل ما جربتك يوم من الايام" ههههههه
24/ تلفونها ينشغل اغلب الاوقات ..... والله وش اسوي انساه وما اجي الا فيه 40 مسج كولز من البنات.... الجديد قاعد يوطد العلاقه معها... ههههههه

25/ حبيبي معليه اليوم العصر صديقتي تاخذ تليفوني بتروح مشوار مهم .... وهي طالعه تشوف الجديد بسيارته...
26/ احس ان اهلي بدو يشكون فيني، نبي نخفف الاتصلات شوي حبيبي ... شافت ان الجديد مرح اكثر منك وقررت تتركك
27/ شرايك تطلع لي تلفون مدفوع عشان اكلمك عليه .... فعلا بتكلمك عليه ... والشاب الجديد على الجوال القديم ههههههه
28/ انت صارنب ما تفهمني مثل اول ........ لان الجديد يفهمها اكثر منك...

29/ توصلك رساله على جوالك تقول: صدقني اليوم عندي احلى الايام لاني طلعت معك" الرساله واصلتك بالغلط لانك اليوم ما طلعت معها...وتتوهق هي ولا تعرف ترد... ههههههههه
30/ تكلمها في الماسنجر ولا ترد بسرعه والله يا عمري النت بطييييييء... قاعده تسوي تشات مع مجموعه جديده ولا تنتبه لكلامك الا بعدين
31/ تتصل عليك وهي تبكي انا انخطبت وما ابيه وابوي جابرني اخذه .... اكبر تلميحه انها خلاص بتتركك هههههههه
32/ حبيبي والله ما ادري ايش اقول لك بس امي اليوم شكلها بتسحب الجوال مني لا تدق علي انا اذا لقيت فرصه بدق عليك الله يخليك حبيبي ترى احبك فكر فيني دايما وانا ما راح انساك... خلاص ضبطت علاقتها مع الجديد وانت برا الموضوع ههههههههههههه

بعد شهر ونص من اخر مكاله طبعا هي ما اتصلت ابد وانت ما اتصلت على حسب كلامها

33/ تكلمها من رقم ما تعرفه
هي : هلا
انت : هذا اللي جوالك عند امك؟؟
هي : هلااااااااااا بدر.. قصدي محمد.. شلونك حبيبي والله توني ماخذه الجوال ها الدقيقه وكنت بدق عليك.... يلعن ام الصدفه توها ماخذه الجوال وانت داق من رقم ما تعرفه ...هههههههههه

34/ واذا انكشف المستور قالت لك بصراحه حبيبي إنت الوحيد من بينهم اللي حبيتك من قلب
بس إنت دايم ماتحس فيني وكثرت المشاكل اللي بيننا ...... على شان ماتنشر رقمها إذا كنت ضعيف نفس

دايم تحطون على الشباب المساكين وإنتم يالبنات دايم معصومات ماتغلطون

تحيااااااااااتي