روحي من الزغر طفله وهوت للشوك

روحي من الزغر طفله وهوت للشوك
وبحبك كلت مــــــــــــــــــــــــــــــن تجفل اقنعهه
وعيني اعله الرمش باعت ثكلهه اسنين
وبغلطـــــــــــــــــــــــــــــة عمر غافلهه مدمعهه
جاملت الكبير بالصدفــــــــه وانه ادريه
فـــــــــــــــــــــــــــــلاح ابصبخ شتلاته يزرعهه
جنت بلاكبير مـــــــــن امشي انه اوياك
خطــــــــــــــــــــــــــــواتك زلك ادريهه واتبعهه
وجنت اكتب شعر وبكل قصيده الكاك
عنـــــــــــــــــــــــــوان القصيده وانت مطلعهه
مااكتب بعـــــــــــــد سيابي ظل زعلان
وحجــــــــــــــــــــــاية احب مارنبضه يسمعهه
امسودن كبل والســـــــاني شايل سيف
ومخلص فشل والزحمـــــــــــــــــــــــه بايعهه
هسه اتغيرت والبيه عاقــــــــــل صار
اسمـــــــــــــــــــــــــــــع والتغث مرات ابلعهه
ومجنونك بعد كــــل خبزه ماله اوياي
ولوجتني الطلابــــــــــــــــــــه بكصبه ادفعهه
سميتك امس ماريده بيــــــــــــه يعود
وشله مـــــــــــــــــــــن العمر ماريد اضيعهه
ماحبك بعد ترجيـــــــــــــه باذنك هاي
خلهه بكــــــــــــــــــــــل وكت واياك تنزعهه
عيني اشكدبجت؟ من تبجي هسه اعليك
اتشاوه العمه ومـــــــــــــــــن عيني اشلعهه