قصائد بدويه روعهــ،،،

بسم الله الرحمن الرحيم
السلام عليكم ورحمة الله وبركاته

اولاً ... بيت الشعر

وجودي على بيت الشعر عقب بيت الطين
وجودي علـى شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورى الحرّه
اليا حلوّا العربان وصـاروا علـى بيتيـن
ومن كان له خـلٍ مـعَ ذاك مـا غـرّه

ثانياً.. الإبل
قصائد بدويه روعهــ،،، 899586_l

والبل يداوي شوفها كل عله
ودوا من السكر وضغط الشرايين
والبل لها تاريخ جا في سجله
من خلقت الدنيا مع الأوليين
والبل يلا جات الشحايح ممله
وعند أهلها يشرونها بالملايين
ومن ترك البل ذاك كبه وخله
ولا تعشقنه يالبنات المزايين
ماتركوها ألا رجال المذله
باقي شرفها مع ملوك وصلاطين
ون شفتها في الغر لرفح مظله
طالع نباته مثل وصف البساتين
والبدوا بنوا في جديد المحله
متخالطه عيدانها تفتح العين
بين النشاما هرجهم ماتمله
ونسوانهم متصادقات على الدين
ياتيك برادن ويقفاه دله
ويندار من بين الرجال المسمين
ولاش مسوى حرمته في محله
يتروح الضيفه يدور لها وين
والنوم قسمه كل فرض يزله
ماقام تالي الليل سعف المصلين
هذاك من لنذال خله بغله
ضعيف عقله مايعرف القوانين
ون خيروني منزلن ينتزله
ودي بشوف البر في عافي الطين
ولا لي بمنزال العماره وفله
ومغلقه لبواب كنهم مساجين
ومشاهد القصه وشوف المجله
أخير لي منها هدير البعارين
وفرقت غنم وأبلن أصايل وقله
عند الزكاه أعداد خمس وثلاثين
ويالله يلي كل يابس يبله
أرحم بلادك والضعوف المساكين
بالساري الودان يمسي يهله
ويصبح مهجل بعد ماسال سيلين
على القعيميات يمطر يعله
اٌمين يارب الحجيج الملبين
وعلى الأخاشيم أدلهم ساريله
برقه ينوض وينزل الماء على الطين
ويالله يا مامر مكاييل يالله
اٌمر لنا بالخير وحنا مطيعين
وأحنا على نهج النبي مانزله
محمد حبيب الله خير النبيين

ثالثاً.. الدلة والقهوة

قصائد بدويه روعهــ،،، _806631

قم سو فنجال ونظف أدلاله
ريحه لراعي الكيف يجلي اعماسه
اشعل ولونه مثل دم الغزاله
لاذاقه الراقد يحارب انعاسه
في مجلس تدله الى جاء مجاله
اللي عن اللجات يقصر حساسه
والا ترا بعض المجالس عذاله
لا معشر طيب ولا فيه اناسه

رابعاً.. الصقر
قصائد بدويه روعهــ،،، %D8%B5%D9%82%D8%B1

قصائد بدويه روعهــ،،، %D8%B5%D9%82%D8%B1

يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه

خامساً... السيارة القديمة

ياحن قلبي حن ماكٍ مـع الطلعـات
لا عشقّـه بالعايـدي والدبـل جـرّه
جرمه ثقيل وحملّـوا فوقـه البيبـات
ويدعس عليـه أبنزينـه ولا سـرّه
أنا دمع عيني بالدقايق وبالساعـات
ولاهي على فرقا المحبيـن مستـرّه
هواجيس قلبي كل ما أقول راحت جات
تخالف علي باليوم خمسة عشر مرّه

وسلامتكم

انتي الاروع مهااوي

يسلموو على زؤؤؤءك

روووعة ماصنعتي

قصائد بدويه روعهــ،،، 75323