العنف منذ الصغر
أول درس في العنف لما كنا صغار هو
غرفة الفيران أول درس في ثقافة العنف المكتسبة
الغرفة الوهمية إلي كانو يهددونا فيا بالمدرسة
يعني كلام الانسة إلي بدي أسمعو عم يحكي بدي حطو بغرفة الفيران
كمان العنف النفسي الي كان يتمارس من قبل الأهل
يعني الكلمات الي كنا نسمعا دائماً
مثلاً : والله لأفرمك - والله لكسرك - بدي عضور ايديك - بدي اقبرك -اذا مابسلخ جلدك عن عضمك ..............الخ
في مصطلحات عنف كانت تعتمد على الطب
والله لشيل عيونك - والله لطير راساك
في عنف مشتق من الكلام الوطني
والله لأطرأك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي
وفي عنف رومانسي
والله لفرجيك نجوم الضهر
الي صارت معروفة عنا أكتر من نجوم الليل
في عنف دبلوماسي أكيد عرفتوا
هو هديك اللحظة الي بيجي فيا البابا حامل معو صحن سيكارتو وبيقلنا
تعال بابا نتناقش بهدوء اعتبرني رفيقك
وبغباء الابن المعهود منسدق
وعند أول اختلاف وجهة نظر بيناتنا"طبعاً بابا"
وبس نقول :بس يا بابا هدا رأي
بيطفي البابا سيكارتو وبيطفي وجهة نظرنا بكلمة وحدة هية "...."
صار عندك وجهة نظر سماع ولا نص نصيص
و مابيمشي غير الي أنا بقولو أوم ولا جيل اّخر زمن والله عال
حتا صار عنا عنف باعترافاتنا العاطفية
يعني اذا حبينا حدا منقلو
تقبر قلبي - تطلع على قبري
وغيرو كتير من المفردات الي مليانة عنف
موضوع: العنف منذ الصغر 
الأربعاء 27 مايو 2009 - 14:51
